Skoro minimalistiski wustup: Marija Serifovićowa ze spěwom "Molitva".Naši słowjanscy, abo prajmy hnydom serbscy bratřa (a sotry) z juha su dobyli lětuši 52. Eurovision Song Contest w finskich Helsinkach.
Skupina wokoło Marije Serifovićoweje ze Serbiskeje je so móhła ze spěwom "Molitva" přećiwo 23 sobuwobdźělnikam finalneho wubědźowanja přesadźić. Nadpadna běše lětsa wulka dominanca přinoškow ze słowjanskich krajow. Hač do finala pódla běchu spěwy z Bosniskeje-Hercegowiny, Běłoruskeje, Makedonskeje, Słowjenskeje, Ruskeje, Serbiskeje, Ukrainy a Bołharskeje. Němski přinošk Rogera Cicera "Frauen regier'n die Welt" dócpě w finalu jenož 19. městno. Někotři wobkedźbowarjo widźa přičinu lětušeje sylneje dominancy słowjanskich krajow we wulkej solidariće mjez Słowjanami. Prawje tak! Dyrbi so pak woprawdźe prajić, zo dobyćerski spěw "Molitva" je jara poradźeny a jeho prezentacija měješe woprawdźe hudźbu w srjejdźišću a nic někajki skandal za woči.
1 Kommentar:
Hladajo na přesłapjene reakcije někotrych komentatorow a jich skorženja dominancy wulkeje ličby wuchodoeuropskich krajow, njemóžu so smějkotanja dowobarać. Wšako je to spočatk 90ych lět zapad sam był, kiž je tehdy rozpačenje Juhosłowjanskeje a Sowjetskeho Zwjazka aktiwnje spěchował. A nětko ma wobradu z tymi mnohimi jednotliwymi wuchodnymi a zwjetša słowjanskimi krajemi, kotrychž wobydlerjo su (w napřećiwku k mnohim nawjedowacym politikarjemi) mudri dosć, so mjez sobu podpěrować. :-D
Ale wjetšina wuměłcow z wuchodnych krajow je sebi tež prěnje městna z połnym prawom wudobyła...
Kommentar veröffentlichen