Mittwoch, 5. Dezember 2007

Rozdźělenje pjenjez w Němskej


Kónc nowembra smy zhonili, zo změje Němska w přichodnym lěće wudawki we wysokosći 283,2 mrd.. Euro!
Šwarny kónc pjenjez. Ministerstwa změja 228,58 mrd. k dispoziciji. Z toho na přikład
- 5,07 mrd (2.22%) za nutřkowne naležnosće,
- 6,19 mrd. (2,71%), za hospodarski minsterij,
- 2,89 mrd. (1,26%) za strowotniski ministerij,
- 9,35 mrd. (4,09%) za slědźenje a kubłanje (prawje tak, ale přeco hišće nic dosć),
- 24,39 mrd. (10,67%) za wobchad a twarjenje (trjebamy skerje hišće wjace awtodróhow),
- 29,45 mrd. (12,88%) za "zakitowanje" (zo bychmy hišće wjace wojakow do dalokich krajow pósłać móhli), a
- 124,04 mrd. (54,27%, potajkim wjace hač połojca) za "dźěło a socialne".
Haj haj, smy bohaty kraj, ale za nas Serbow knježerstwo wjace telko wyše nima, haj, dyrbi nam samo pjenjezy krótšić.

Mittwoch, 7. November 2007

50 lět "Trabant" !


Je tomu nětko pjećdźesat lět, zo zahaji so w zapadosakskim industrijnym měsće Zwickau produkcija awta, kotrež tehdy hišće "P 50" a pozdźišo potom "Trabant", potajkim "přewodnik", rěkaše. Kelko mnoho žortow smy wo tutym awće słyšeli a powědali, a kotre přimjena smy Trabantej dawali! A tola smy jeho lubowali, zapleńčili a so wo njeho starali. W přećiwku k dźensnišim high-tech-korejtam smy móhli mnoho wěcow sami reparować, husto hdy nam ničo druhe zbywało njeje. Hdyž sy z Trabantom po dźěratej dróze jěł (a tajkich běše mnoho), to sy kóždu jednotliwu dźěru pytnył, a hdyž sy horu dele a z wětřikom do chribjeta jónu 120 km/h docpěł, sy so nutřka w awće instinktiwnje kruće dźeržał a mjelčił - rozmołwa při tej harje tak a tak móžna njeběše. Čitach dźensa, zo je so dohromady 3096099 (!) awtow naprodukowało. Spočatk lěta běchu hišće 52432 Trabantow policajsce přizjewjenych. A rady tute awto pokradnu - w statistice kradnjenych awtow leži "Trabi" na druhim městnje, hnydom za Porsche.
Dopomninam so hišće derje, kak 1995 mój Trabant w awtowym domje wotedach, zo by sebi - skónčnje - "zapadne" awto kupił, ze 115 PS! Tehdy přewjedźeše awtowy dom akciju, zo kóždy kupc noweho awta za swoje stare awto 3000 hriwnow dóstanje. Woprašach so: "Płaći tuta akcija woprawdźe za kóžde stare awto?" A wobsydnik awtoweho doma mi wotmołwi: "Haj, wězo, za kóžde!" Jako so dale woprašach "tež za Trabanta?", wón wočowidnje zblědnje, ale zmužiće rjekny: "Haj, tež za Trabanta". Nó haj, a tak to potom tež dóńdźe...

Montag, 1. Oktober 2007

Wot "płunoweje princesny" k "princesnje rewolucije“


Wupada cyle tak, zo knjeni Julia Timošenko wólby w Ukrainskej dobudźe. Naše medije tutu žonu nastajnosći chwala, jako „symbol spjećowanja“, „rjekowku opozicijie“, „princesnu rewolucije“, atd. Při tym so wo woprawdźitej wosobinje 44-lětneje politikarki wjele njepraji. Štó wona je?

Runja druhim tak mjenowanym oligarcham Ukrainy je so tež knjeni Timošenko srjedź dźewjećdźesatych lět, w prěnich lětach njewotwisnosće jeje kraja, njesměrnje wobohaćiła. Wona pochadźa ze samsnych Dnjepropetrowskich kruhow kaž dołholětny prezident Kučma. W tutym času běše wona mjenujcy šefina koncerna EESU (Zjednoćene energijowe systemy Ukrainy), a jako dźak za 72 millionow dollarow wobtykowanskich pjenjez zmóžni jeje patron a tehdyši premier Pawlo Lazarenko, zo sta so EESU z nawjedowacym koncernom Ukrainy z lětnym wobrotom we wysokosći 10 milliardow dollarow. Nó haj, jedne sudnistwo w San Francisco zasudźi knjeza Lazarenko w awgusće 2006 na dźewjeć lět jatby, dokelž je mjez druhim 613 millionow dollarow swětoweho pjenježneho fonda (IMF), kotrež běchu poprawom jako pomoc za Ukrainu myslene, pokradnył. Wiktor Jušćenko běše tehdy šef centralneje banki, a IMF so pohórši, zo je Jušćenko IMF systematisce wobełhał.

Powěda so, zo je knjeni Timošenko w času mjez 1995 do 1997 ilegalnje zemski płun z ruskeho rołowoda do zapadneje Europy wotšćěpiła a na jendźelsku wotnošku předawa – něhdźe tři milliardy kubiknych metrow za 80 millionow dollarow! Mjeztym kontroluje wona 20% bohatstwa Ukrainy, a rěči so wo njej jako tej „11-milliardow-žony“.

W lěće 1997 woteda wona nawodnistwo jeje koncerna na swojeho tehdyšeho muža, zo by so politice wěnowała. W lěće 2000 běše prěni króć w knježerstwje jako ministerka za energiju pod Wiktorom Jušćenkom. W tutej funkciji so bórze z druhimi oligarchami rozkocori, kotřiž runja jej tež z płunom a z wolijom wikowachu. Spočatk lěta 2001 ju prezident Kučma z hamta pušći, jej njepłaćenje dawkow a sfalšowanje wopismow wumjetujo. Takle přeběža knjeni Timošenko spěšnje k tehdyšej opoziciji, na čož ju Kučma do chłódy tykny. Jara wušiknje so jej poradźi, so jako „politiska jata“ prezentować, a hižo 42 dnjow pozdźišo běše mjeztym najbohatša žona ukrainy zaso swobodna.

Z toho časa dožiwimy knjeni Timošenko přeco zaso w politiskim boju wo hišće wjace mocy. A z tym sebi wězo swoje bohatstwo tež za přichodne časy zawěsćić chce. Swoje w prjedawšich časach ćmowe hłosy je sebi knjeni Timošenko barbiła. Ze swětłymi hłosami so po wšěm zdaću lěpje „rewolucija“ čini, a wokoło hłowu splećena wopuš da jej wonkowny tradicionelny wobraz „žony z ludu“, štož pak dawno hižo wjace njeje. A nowina „Tagesspiegel“ samo pisa, zo jeje swětła plećena wopuš wokoło jeje hłowy leži kaž tajka „swjatoćina“ – zawěsće z połnym wotpohladom.

Štož so za wukraj jako „bój wo demokratiju“ předawa, je we woprawdźitosći jenož bój mjez wšelakimi skupinami oligarchow, ći jedni bóle na wuchod wusměrjene, ći druzy bóle na zapad. Wšojedne kak dale póńdźe, w Ukrainje budu dale ći cyle bohaći knježić. Dwaj procentaj ludnosće wobsedźitaj 94 procentow bohatstwa Ukrainy. Mjeztym žiwori najwjetši dźěl Ukrainskeje ludnosće we wulkej bědźe, z měsačnej mzdu mjez 30 a 100 eurow. A na tym so tak spěšnje ničo njezměni.

Mittwoch, 19. September 2007

Wurjadny nuzowy staw

Nic jenož naš nutřkowny minister, ně, tež naš "zakitowanski" minister nětko započina, wustawu Němskeje, tón zakładny zakoń, podrywać. K tomu hodźało so wjele rjec! Na přikład, zo měł so tež wón ze swojejo hamta wuhnać. Chcu pak tu jenož na rjany krótki nastawk w Telepolis skedźbnić:

http://www.heise.de/tp/r4/artikel/26/26222/1.html

Nó haj, a zda so, zo dyrbimy so husćišo jónu na 4. dypk 20. artikla zakładneho zakonja dopomnić, nic wěrno? Prjedy hač jón naši politikarjo z dobrych přičin šmórnu....

Donnerstag, 6. September 2007

Njewitany wopyt... :-D


W Awstralskej maja nětko něšto k wošćěranju. Čłonojo telewizijneho programa "The Chaser's War on Everything" zesydachu so do dwejoch tołstych awtow z Kanadiskej chorhoju a dojědźechu sej k hotelu Intercontinental w Sydneju, hdźež runje prezident Zjednoćenych statow Ameriki bydli. Přewinychu dwě policajskej zawěry, prjedy hač jich tola k zastaću nućichu. Z jedneho awta wulěze telewizijny sobudźěłaćer Chas Licciardello, zdrasćeny a z wulkej brodu kaž Osama bin Laden. Nó, to dźě běše keklija! Policisća so smjeć njemóžachu a najprjedy wšěch zajachu.... Pěkna to blamaža za policistow!

Tu čitaće wjace, a mały film tu tež hišće dawa:
http://news.aol.com/story/ar/_a/comics-breach-security-at-summit/20070906085609990001

Dienstag, 26. Juni 2007

Zapadne slědy słowjanskeje rěče

Hdys a hdys přebywam w Smolinach (němsce "Harz"). Tam namakaš w lěsu přeco zaso wulke dźěry, wulke kaž małe doły, kaž doliny. Njemało so zadźiwach, jako so wukopa, zo wužiwa so za tute dźěry tež w němskej rěči słowo "Dolinen" (hlej wobraz tafle z wujasnjenjom inkluziwnje małeho ćišćerskeho zmylka).
Njejsym rěčespytnik abo stawiznar a tuž njewěm, kak daloko do zapada słowjanske kmjeny sydlili su. Ale hač dotal sym Smoliny přeco za ryzy němsku kónčinu dźeržał, a mjena a stawizny městow tam su tež ryzy němske - Quedlinburg, Halberstadt, Blankenburg, Wernigerode, Ilsenburg, Bad Harzburg, atd. A nětko tole - doliny wosrjedź (pozdatnje?) němskeho kraja!

Dienstag, 19. Juni 2007

Žort ze žywjenja

Jaden muž lažy južo dlejšy cas w komje, casy wón krotko wócuśejo. Jogo žeńska jo źeń a noc pśi jogo póstoli a stražujo. Ako wón jo zasej raz wócuśeł, kažo jej, pitśku bližej pśiś. Wón šepoco: "We wšyknych tych złych casach sy była pśecej pó mójom boce. Ako su mě ze źěła pušćili, sy była pśi mnjo. Ako jo mój wobchod kamsy šeł, sy mě pódpěrała. Ako smej swój dom zgubiłej, sy ku mnjo źaržała. Ako som tak tšašnje schórjeł, sy była pśecej w mójej bliskosći. Wěš co?" Z wutšoby gnuta a ze łdzanyma wócyma glěda wóna na njogo. "Co ga jo, mój lubki?", wóna šepnjo. "Ty stara tšumplawa wjeźoš mě jan do njegluki!"

Donnerstag, 14. Juni 2007

Paduši, ow paduši...

Njedawno wopyta prezident Zjednoćenych statow Ameriki na swojim puću po Europy tež Albansku. Wobydlerjo witachu jeho z wulkim wyskanjom. To njeje dźiwa, wšako su Zjednoćene staty za to znate, zo su přeco žedźenje albanskich ludźi w južnoserbskej prowincy Kosowo wo njewotwisnosć podpěrali. Ludźo wołachu wótře "Bushi, Bushi...", knjez Bush zanuri so do črjódy ludźi a da mnohim ruku, někotrych samo wobjima. To běchu zawěrno jara ćežke wokomiki za Bushowych stražowarjow...
Nó haj, lěpje wšak je, jeli-zo sebi ludźi lěpje wobhladaš, kotrymž so bližiš. Prezidentej so mjenujcy wot lěweje ruki časnik pokradny! To je tak směšne, zo we Washingtonje samo oficialny dementi wotedachu, oficialny drje, ale ničo prajacy. Mjeztym móže sebi kóždy w interneće tute padustwo wobhladać. Na přikład tu... http://www.livevideo.com/video/APnews/0D6ABFD0C53E4447BB07CC760747CB22/raw-video-bush-gets-albanian-.aspx

Freitag, 8. Juni 2007

Boga Popajź-Paris

Paris Hilton - take źowćo njamóžoš dłujko zawrěś

Pó tśoch dnjach w popajźi jo Paris Hilton južo zasej wen ze swójeje šareje klětki.

Wulichowali su ju "z medicinskich pśicynow". Zbytk swójeje pokuty dej wóna stakim nic w popajźeństwje, ale doma w swójej wili w Hollywooźe ako domacny arest wótpokuśiś. Statny pšawiznik Rocky Delgadillo jo reagěrował wjelgin rozgniwany. Wójowaŕ za byrgarske pšawa Al Sharpton wiźi w tom paźe samo rasowu justicu. Powědaŕ policije jo gronił, až ten rozsud jo nastał pó nadrobnych póraźowanjach z gójcami.

Daś wóni se tak njamaju! Gaž sy howacej pśecej fejty a droge hotele zwucony, njejo em tak pśijomne w šerej popajźi. Jo mě napšawdu luto, až jo musała tak śerpjeś.

------------------------------------------------------------------------------

Sobota, 09. Junij
A dowol jo južo zasej mimo. Sudnik jo pó pśeśiwjenju statnego pšawiznika rozsuźił, až musy Paris zasej slědk do klětki.

Něnto mě napšawdu łdzy ronje, tak ako jej, gaž jo ten rozsud wusłyšała.

Samstag, 2. Juni 2007

Wupuć z wupućowanja?

Njedawno su wo přepytowanju rozprawjeli, zo wupućuja z wuchoda Němskeje do zapada pječa předewšěm młode, kwalifikowane a inteligente žony, a zo wostanu zwjetša ći tróšku hłupiši młodźi mužojo we wuchodźe wróćo.

Nó haj, to wšak njeje runjewon kompliment za tych muži, kiž bydla we wuchodźe. Ale njedźiwajcy toho přińdu mi při tym wšelake mysle.

Wupućowanje do zapada je wězo problem, kiž tež nas Serbow potrjechi – zahubnje kaž hižo wupućowanje Serbow do Ameriki w 19. lětstotku. Město toho, zo so wjeselimy abo samo hordźimy, zo mamy samo w Texasu (!) potomnikow Serbow, bychmy dyrbjeli so rudźić, zo njejsu tući Serbja wjace we Łužicy. A to přitrjechi za kóždeho Serba a kóždu Serbowku, kotryž a kotraž na přeco Łužicu wopušći. Zwjetša wšak nic dobrowólnje, ale dźěła dla. Haj, haj, kaž smy to hižo w šuli před mnohimi lětami słyšeli, narodne prašenje je tež přeco socialne prašenje.

Město zo Serbja swoje mocy broja we zwadźency wo Wětečanskej (pseudo-?) koncepciji a podobnym, by na přikład zhromadne, koncentrowane napinanje nuzne było, Serbam nawrót do Łužicy zmóžnić. Kwalifikowane dźěłowe městna wězo wšudźe trěbne a požadane su, ale we Łužicy su wosebje trěbne – nas Serbow dla!

Poslednja wěc – jeli něšto na tym je, zo we wuchodźe wosebje mjenje inteligentnych mužow mamy, by to znajmjeńša wujasniło, čehodla we wuchodźe telko wjele plěchatych prawicarjow mamy...

Wobrazowe žorty

Za powjetšenje prošu na wobrazki kliknyć.


Donnerstag, 31. Mai 2007

Pytamy awtorow

Wšykne, kenž kśě se na toś tom blogu ako awtory wobźěliś, krydnu how informacije, kak to źo:

Napišćo mejlku na Bratpansen@gmx.de. Z wašeju adresu mógu ja was do bloga pśepšosyś. Krótko pózdźej krydnjośo systemowu mejlku wót "Reinhardt Mjechkiwon", glědajśo pak, móžo se staś, až se ako spam zastopnjujo! W mejlce stoj wótkaz na pśizjawjeńske boki. Tam musyśo kliknuś na "Erstellen sie jetzt ihr eigenes Konto". Pón musyśo zapódaś swóju mejlowu adresu a musyśo se wumysliś pótajmne słowo a mě, z kótarymž cośo how pisaś. Pó wótposłanju móžośo dalej na blog a teoretiski ned zachopiś pisaś.

Za dalšne informacije napišćo pšosym mejlku na Bratpansen@gmx.de.


------------------------------------------------------------------------------------


Wšitcy, kiž chcedźa so na tutym blogu jako awtorojo wobdźělić, dóstanu jow informacije, kak to dźe:

Napišće mejlku na Bratpansen@gmx.de. Z wašej adresu móžu ja was do bloga přeprosyć. Krótko na to dóstanjeće systemowu mejlku wot "Reinhardt Mjechkiwon", kedźbu, móže so stać, zo so jako spam zastopnjuje! W mejlce steji wotkaz na přizjewjensku stronu. Tam dyrbiće na "Erstellen sie jetzt ihr eigenes Konto" kliknyć. Potom dyrbiće swoju mejlowu adresu zapodać a dyrbiće sej tajne słowo wumyslić a mjeno, z kotrymž chceće tu pisać. Po wotposłanju móžeće dale na blog a teoretisce hnydom započeć pisać.

Za dalše informacije napišće prošu mejlku na
Bratpansen@gmx.de.

Freitag, 25. Mai 2007

Čušlaki

Su nowy zakoń wobzamknyli, zo maja so ludźo krućišo pochłostać, kotřiž so tajnje do cuzych ličakow zadobudu - tak mjenowani "hackerjo".

Nó derje, hdy so potom naš nutřkowny minister zasudźi, kiž chce ličaki po swojim měnjenju pohladnych wosobow tajnje a "on-line" přečušlić? Naša kanclerka je w diskusiji z Putinom prajiła, zo smě kóždy składnostnje G8-wjerška měrliwje demonstrować, a praji "štóž ničo skućił njeje, tón njesmě so zajeć". Derje, njech praji to tež swojemu nutřkownemu ministrej ...

A čušlenje dźe dale. Nětko přepyta policija w Hamburgu wulke mnóstwo listow. Božičkecy, to su pak wjele wot bywšeje statneje wěstoty nawukli!
A poslednje - nětko samo hromadźa wot wosebje "podhladnych" ludźi - haj, kak so to serbsce praji - "wonjowe próby". To so jenož hišće dźiwaš, dokelž tež tajke něšto smy hižo w NDRskim času měli.

Donnerstag, 24. Mai 2007

Žorćik

Prošu na wobrazk kliknyć.

























žórło: http://forum.jzn.pl/viewtopic.php?t=368
wobdźěłał a přełožił: Reinhardt Mjechkiwon

Sonntag, 20. Mai 2007

Wuchodna Europa wuzamknjena

Zbožowna dobyćerka 52. Eurovision wubědźowanja Marija Serifovićowa

Před tydźenjom smy rozprawili wo dobyću serbiskeje skupiny wokoło Marije Serifovićoweje pola wubědźowanja Eurovision Song Contest w finskich Helsinkach.


Tehdy běše so twjerdźiło, zo dominanca słowjanskich krajow ma jenož solidaritu mjez nimi abo powšitkownje mjez wuchodoeuropskimi krajemi za přičinu. Hladamy-li pak dokładnišo na tu wěcku, wukopaja so tajke zwěsćenja jenož jako prózdne šćuwanja.

Tak móžeš mjeztym w interneće namakać lisćinu dypkow, kiž přiruna wuslědki wubědźowanja jónu bjez dypkow wuchodoeuropskich krajow a jónu w cyłku.

Bjez wuchodoeuropskich krajow:
(potajkim jenož EU-15, Islandska, Norwegska, Andora, Šwicarska, Turkowska, Israel, Malta, Cypriska)

Městno kraj dypki
1 Serbiska 128
2 Ukraina 111
3 Turkowska 111
4 Ruska 84
5 Bołharska 80
6 Madźerska 79
7 Armeniska 76
8 Grjekska 69
9 Rumunska 58
10 Bosniska-Herc. 56
11 Finska 51
12 Šwedska 51
13 Moldawiska 50
14 Letiska 41
15 Němska 40
16 Běłoruska 38
17 Georgiska 31
18 Španiska 27
19 Wulkobritaniska 19
20 Litawska 16
21 Słowjenska 13
22 Makedonska 8
23 Francoska 8
24 Irska 0

Za přirunowanje:

Cyłkowny wuslědk

Městno kraj dypki
1 Serbiska 268
2 Ukraina 235
3 Ruska 207
4 Turkowska 163
5 Bołharska 157
6 Běłoruska 145
7 Grjekska 139
8 Armeniska 138
9 Madźerska 128
10 Moldawiska 109
11 Bosniska-Herc. 106
12 Georgiska 97
13 Rumunska 84
14 Makedonska 73
15 Słowjenska 66
16 Letiska 53
17 Finska 51
18 Šwedska 51
19 Němska 49
20 Španiska 43
21 Litawska 28
22 Francoska 19
23 Wulkobritaniska 19
24 Irska 5

Samstag, 19. Mai 2007

Konjunktura kóšulkow

Pó pśespytowanjach Nimskego instituta za modu w Kölnje wótbłyšćujo se góspodarska situacija w drastwje.

Krotke kóšulki a krawaty su znamjenja za se polěpšujucu konjunkturu, gronje eksperty. Moda cujo nastawajuce towarišnostne změny a pokazujo nacasny staw a politisko-góspodarsku situaciju. Na pśikład jo se w slědnem casu cesto wó wóśańšenju pśedewześow powědało, gaž jo šło wó pśestrukturěrowanje abo skrotcenje źěłowych městnow. A teke w moźe sy mógał zasej śańše zece a krawaty wuglědaś. Barwy tež wótbłyšćuju towarišnostne změny. Carne, běłe a brune wěcy su zasej wěcej woblubowane a wótkazuju indirektnje na uniformitu a z tym na wažnosć zgromadnego źěła.

Gaž to wšykno pśitrjefijo, mógu se jano za nas wšyknych žycyś, aby kóšulki skóro hyšći krotše byli.

Donnerstag, 17. Mai 2007

Zaso wjace porodow w Němskej!

Dźensa wozjewi so, zo mamy zaso wjace porodow w Němskej! Haj! Najwjetše je stopnjowanje w sewjernym Bremenje, ale tež w Magdeburgu, Kölnje a Erfurće mamy wysoke stopnjowanje. Rjenje tak!

Diskutuje so hišće wo přičinach tutoho stopnjowanja. Wšelacy widźa tu jako najwažnišu přičinu, zo su ludźo za čas swětoweho mišterstwa w kopańcy tak zahorjeni byli, druzy maja to za wuslědk powyšenja pjenjez za dźěći.
Njech je kaž je, rjenje by było, hdyž bychmy skónčnje tež zaso w Serbach wjace dźěći měli! Moja wowka je dźewjeć dźěći měła, hačrunjež to tehdy wo wjele ćeše časy běchu. Potajkim młodźi Serbja, přimajće so gratu, ehm, partnerja abo partnerki... :-D

Dienstag, 15. Mai 2007

Harry Potter RELOADED?

Jendźelska spisowaćelka J.K. Rowling, kotraž je sebi stawiznu wo H.P. wumysliła a ju w sydom knihach napisała, je stajnje wo tym rěčała, zo su sydom knihow dosć. Mnoho je so tež wo tym spekulowało, što z Harryjom na kóncu sedmeje knihi budźe, hač wón swoje žiwjenje w boju přećiwo Voldemortej přisadźi, atd. Zo Harry wumrěje, to by po mojim měnjenju to najkonsekwentniše było...
Nětko su nowe blady po puću: Powěda so, zo chce J.K. Rowling WOSMU Harry-Potter-knihu napisać! Ně, tajke něšto! Je to potajkim něšto, štož bychmy "Harry Potter Reloaded" mjenować móhli?
Po wšěm zdaću nic. We wosmej knize, jeli k njej dóńdźe, maja so jenož stawiznički a material jewić, kotrež spisowaćelka w prěnich sydom knihach wužiwała njeje, a chce pječa wšelake pozadki lěpje wujasnić, a podobne.
Nó haj, štó by tež chutnje wěrił, zo pušći J.K. Rowling móžnosć, hišće někotre knihi wjace předać. Tak by dyrbjało skerje lěpje rěkać "Harry Potter Recycled".. :-D

Sonntag, 13. Mai 2007

Naš nutřkowny ...

Wot knjeza nutřkowneho ministra Schäubla wšako smy w poslednim času mnoho słyšeli, kak wón přeco dale nas wšěch kontrolować a z tym našu swobodu wobmjezować chce. Nětko hrozy wón wšěm, kotřiž chcedźa přećiwo G8-wjerškej protestować, zo jich hižo do toho do kłódy tyknje (je to tak mjenowana "zadźěwanska" jatba, němsce "Vorbeugehaft").

Štyri mysle přińdu mi k tomu.

Sprěnja dopomina mje to na film „Minority report“, hdźež tohorunja ludźi zajachu, prjedy hač tući něšto skućichu. Wěmy, kak so ta wěcka we filmje skónči ...

Zdruha kriminalizuje so z tym kóžde hibanje a měnjenje, kotrež tróšku wotchilace je, a štó wě, kak daloko to hišće póńdźe. Druhdy sej myslu, zo smy kónc 1989 přezahe juskali, jako so statna wěstota spowali.

Střeća je so tehdy tón zakoń, na kotryž so minister nětko powoła, wobzamknył, zo bychu pječa hooliganow před sportowymi wubědźowanjemi do jastwa tyknyć móhli. Nětko so woprawdźity zaměr tuteho zakonja wukopa, a dyrbimy jara kedźbować, hdyž naši politikarjo wo dalšich tajkich zakonjach rěča – pječa přećiwo „normalnym“ złóstnikam měrjene, hodźa so tež přećiwo druhim njelubym mocam zasadźować – na přikład lěwicarskim demonstrantam.

A štwórty dypk – hdy so tutón minister skóčnje pušći? Je so sam z woporom atentata stał, a to je jeho zawěsće traumatizowało. Mjeztym so jasnje pokaza, zo njeje swojim nadawkam psychisce zrosćeny. Pósćelće jeho na wuměnk, hdźež našej demokratiji wjace njezeškodźi!

Modlitwa

Skoro minimalistiski wustup: Marija Serifovićowa ze spěwom "Molitva".

Naši słowjanscy, abo prajmy hnydom serbscy bratřa (a sotry) z juha su dobyli lětuši 52. Eurovision Song Contest w finskich Helsinkach.

Skupina wokoło Marije Serifovićoweje ze Serbiskeje je so móhła ze spěwom "Molitva" přećiwo 23 sobuwobdźělnikam finalneho wubědźowanja přesadźić. Nadpadna běše lětsa wulka dominanca přinoškow ze słowjanskich krajow. Hač do finala pódla běchu spěwy z Bosniskeje-Hercegowiny, Běłoruskeje, Makedonskeje, Słowjenskeje, Ruskeje, Serbiskeje, Ukrainy a Bołharskeje. Němski přinošk Rogera Cicera "Frauen regier'n die Welt" dócpě w finalu jenož 19. městno. Někotři wobkedźbowarjo widźa přičinu lětušeje sylneje dominancy słowjanskich krajow we wulkej solidariće mjez Słowjanami. Prawje tak! Dyrbi so pak woprawdźe prajić, zo dobyćerski spěw "Molitva" je jara poradźeny a jeho prezentacija měješe woprawdźe hudźbu w srjejdźišću a nic někajki skandal za woči.

Samstag, 12. Mai 2007

Serbska myš

Dokelž mam mału dźowku, hladamy doma w prěnim němskim telewizijnym programje njedźelu do wobjeda "Wusyłanje z myšku". Na spočatku kóždeho wusyłanja so skrótka wobsah předstaji, jónu w němskej rěči a jónu w někajkej cuzej.
Njedawno pisach mejlku na Zapadoněmski rozhłós, zo bychu móhli připowědźenje tež jónu w serbskej rěči wusyłać. Něšto pozdźišo WDR wotmołwi, a mjez druhim piše:
Tatsächlich wurde die Maussendung bislang noch nie auf Sorbisch angekündigt. Über Ihre Anregung haben wir uns sehr gefreut und sie auf unserer Wunschliste notiert. Und wer weiß- vielleicht wird der Vorspann ja schon bald einmal auf Sorbisch zu hören sein?!
Versprechen können wir Ihnen das aber leider nicht.
Nó haj, jónu widźeć, što so tak stanje. Sym wćipny...

Donnerstag, 10. Mai 2007

Kšej zasej běžy

Internetowe boki www.kill-knut.com, wó kótarychž su towste-pjezle južo w aprylu rozpšawili, su zasej w seśi.


Pó tom, až su wobsejźarje bokow swójo graśe mócneje kritiki dla musali z interneta wześ, maju boki něnto nowego wobsejźarja. Tomu jo kritika zazdaśim wšojadna a tak źo to mordowanje dalej. :D

Mittwoch, 9. Mai 2007

Popajź-Paris

Party-girl Paris Hilton dej 45 dnjow do popajźi w Kaliforniskej.

Wóna jo bźez jězbneje dowólnosći jěła a to nic jano jaden raz. Jeje pšawizniki su južo rewiziju pominali, to groni až proces hyšći njejo mimo. Pśiwisniki Paris Hilton su mimo togo startowali peticiju za wulichowanje jich idola. W interneśe se zběraju głose, kenž deje guwernera Arnolda Schwarzeneggera pśeznaniś, aby ju pógnaźił. Paralelnje se w pópajźenstwach Kaliforniskeje zběraju głose za napśeśiwnu peticiju.

Montag, 7. Mai 2007

Rić WITAJ-pěstowarkow

W nadawku Rěčneho centruma WITAJ su so w dnjach 30.02.-30.03. 2007 přewjedli slědźenja, kiž maja wobraz přerězneje WITAJ-pěstowarki w Delnjosleško-hornjołužiskim wokrjesu postajić. Na zakładźe zběranych datow je Rěčny centrum WITAJ k sćěhowacym wuslědkam přišoł:



- Přerězna WITAJ-pěstowarka je so před sydom lětami na dwutydźenskim kursu serbšćiny wobdźěliła
- Přerězna WITAJ-pěstowarka je zahorjena za serbsku rěč a kulturu
- Přerězna WITAJ-pěstowarka rady spěwa z dźěćimi spěwaj «Dei mi jenne Jehko» a «Thoprü fehtschor mahtscherkha»
- Přerězna WITAJ-pěstowarka nałožuje metodu imersije a wupraji wšědnje 9 serbskich słowow

«Wuslědki našich slědźenjow su nas jara zwjeselili. Nětko móžemy z wulkej nadźiju do přichoda zhladować. Rewitalizacija a dalewuwiće serbšćiny stej bjez dwěla zawěsćenej», tak nawoda centruma Rafaela Boranec.
Naša redakcija je tež přewjedła krótku rozmołwu z jednej wot WITAJ-pěstowarkow: «Ja fehselu so jara, so dschittchomm sserbska rittsch luhbieh a fosehbe sserbska drastha a jutrohne nafoschkieh».

Jedyn mólički kritiski dypk pak dyrbi so naspomnić: Internetowa strona WITAJ-centruma http://www.witaj-projekt.de/ njeje derje hladana. Tak je so do titela strony mały rěčny zmylk zadobył:

Tam steji mjenujcy Rěćny centrum WITAJ město rićny.

Freitag, 4. Mai 2007

Komety a měsački

Wot lětušeho Comet-mytowanja je móhła Budyska skupina Silbermond tři myta sobu domoj wzać.

Myta su dóstali za "najlěpši spěw", "najlěpši spěw za ćahnjenje z interneta" kaž tež za "najlěpši wustup na jewišću". Z tym su pódla skupiny Tokio Hotel, kiž dósta tež tři myta, najwuspěšniša skupina lětušeho Cometa. Sami na wjeršku jenož njesteja, dokelž je so do mytowanja jedna kategorija, w kotrejž bychu z wulkej prawdźepodobnosću tež dobyli, krótkodobnje cofnyła: Myto za "najlěpse zaprěće swojeho serbskeho pozadka w zjawnosći".

Mittwoch, 2. Mai 2007

Weto za wójnu

Chrrr, fffff ... ja som twój nan!

George W. Bush jo zapołožył swój weto pśeśiwo wopušćenju Iraka.

Z tym jo zwopšawźił swóje grozenja, gaž jo se Kongres ze słabeju wětšynu za kazń rozsuźił, aby ameriske wójaki musali až do srjejź lěta 2008 Irak wopušćiś. Bush jo ju mjenował "recept za chaos, ako buźo irakske luźe demoralizěrowaś a zmužyjo teroristow w cełem Bliskem pódzajtšu". Pótakem se njeby na głownej strategiji nic změniło.

Freitag, 27. April 2007

Masaker jo mimo

Krotke wjasele wirtuelnego zastśelanja małego mjadwjeźa Knuta jo južo zasej mimo.

Dla mócnych protestow a šćuwanjow pśeśiwo wobsejźarjam internetowych bokow http://kill-knut.com/ jo jich nuzkał to graśe zasej z interneta wześ. Lěcrownož jo teke wjele luźi toś to graśe wjelgin witało, su wósobinske grozenja, na pśikład w góstnych knigłach bokow, swój nadawk społnili.

Donnerstag, 26. April 2007

Zastśelony Knut

Wobraz jo lažko dramatizowany.

Chtož ma nos połny wót pśegnawanja w mediach wokoło Knuta, móžo togo małego mjadwjeźa něnto kuždy cas zastśeliś.

Na internetowych bokach http://kill-knut.com/ namakaśo małe flash-graśe, pśi kótaremž móžośo swóju šykownosć w stśelanju na Knuta dopokazaś. Bóžko jo to jano wirtuelne, ale za to móžośo wěcej ako jaden raz. Gaž njewěsćo, chto Knut jo, jo to waša gluka. A mimo togo njetrjebaśo jogo znaś, aby jogo znicyli. Hahahaha bambambam >8]

Pawk z wulkimi cyckami

Šok za kóždeho přiwisnika Spidermana: Kirsten Dunst, hrajerka figury Mary Jane a w filmje přećelka Spidermana, je dyrbjała so za film push-up nadrowc woblec, dokelž jeje cycki běchu přemałke.

Hrajerka pak njeje so hóršiła, dokelž dowidźi wažnosć figury jako sekssymbol. W přichodnym filmje hraje wona amaconu. Za to pak dyrbi sej hišće jedyn cyck wotrězać dać. Kotry to budźe, njeje na zbožo hišće jasne. Mócny protest producentow Spidermana, zo njebudźe wona so tohodla na hižo planowanym štwórtym dźělu filma wobdźělić móc, je Kirsten Dunst mohła lochce změrować z namjetom, sej jabłuko do toho push-up nadrowca tyknyć.

Seks z wójakami

Pjane engelske wójaki sławnego regimenta Scots Guard su wažny kulturelny statk wugbali: Z wideofilmom su dopokazali, až teke wójaki su ceło normalne luźe a mysle ceły źeń jano na alkohol a seks.


W barakach regimenta nagrawany film pokazujo uniforměrowane wójaki z flaškami alkohola w ruce w jednozmyslnych pozach a ako wóni wopytaju sekssceny graś. Scots Guard su kradu znate, dokulaž wóni maju nadpadne cerwjene uniformy a wjelike carne pjechawy z mjadwjeźeceje kóže a wobstražuju engelsku kralownu. Bóžko wóna njejo mógała se na toś tej dokumentaciji wobźěliś a togodla se gniwa na egoistiskich wójakow Scots Guard. Pśiducy raz co wóna na kuždy pad pódla byś, pón by wóni snaź samo šanse na jaden abo dwa Oskara měli.

Americanes eunt domus

Wót demokratow dominowany parlament USA jo rozsuźił, až musy ameriske wójsko až do srjejź pśiducego lěta z Iraka wen.

Z dosć małym rozdźělom głosow, rozměj z 218 do 208, jo se to slědnu wałtoru we Washingtonje D.C. wobzamknuło. Wót 1. oktobra muse wójaki zachopiś ten wobsajźony kraj w Bliskem pódzajtśu wopušćaś. Reakcija prezidenta USA, G. W. Busha, su byli mócne grozenja, až wón swój weto pśeśiwo tomu stajijo. Ako to njejo nic pomagało, jo wón zachopił se na zemi pśewalowaś a jo se głosnje kśikał a skjarcał ako małe źowcycko.

Mittwoch, 25. April 2007

Serbski planet

Před krótkim je so w swětnišću wokoło čerwjeneje małeje hwězdy Gliese 581 prěni planet namakał, na kotrymž je pječa žiwjenje a wobsydlenje móžne.

Temperatura na powjerchu trochuje so na 0 do 40 stopnjow, tak zo najskerje njeby trjebała so jutrowna woda ekstra roztać. Planet je někak połdra raza tak wulki kaž Zemja a ma pjeć króć telko masy. To rěka, zo ludźo ze zmijom najskerje tola radšo na Zemi wostanu a zo bychmy drje dyrbjeli swoje zežiwjenske zwučenosće přestajić, chcemy-li tam jutry dale na konjach jěchać. Chibazo so přewučimy na motorskich jezdźić, stož by zawěsće tež atraktiwitu delnjołužiskeho łapanja kokota powyšiło. Problematiske budźe to, zo traje lěto tam jenož 13 dnjow. Na přichodnej hłownej zhromadźinje Domowiny budźe so tohodla wothłosować, kotre nałožki maja so preferować. Po netčišich dopoznaćach wědomostnikow je planet pak jara skałaty pak w dalokej měrje z wodu pokryty. We woběmaj padomaj pak njeje žadyn wulki problem za nas, wšak smy zwučeni, zo sej krajinu najprjedy rjenje za žiwjenje spřihotujemy (zo by ju nam potom něchtó zaso zebrał).

Předsydstwo Domowiny hižo planuje swój přeni wopyt na nowym planeće, kiž je wokoło dwaceći swětłowych lět wot Zemje zdaleny. Na wčerawšim nuznym posedźenju domowinskich towarstwow je so jednohłósnje rozsudźiło, zo ma sej cyły prezidij naraz tam dolećeć. Serbske mjeno planeta pak wostanje dale njejasne. Při prěnim wothłosowanju njeje so žadyn z dotalnych namjetow přesadźił: Hajptun, Merkurjawa, Twojarić, Čerwjeny punk, Peple-Wenus a Gnac.

Dienstag, 24. April 2007

Sperma - słódka smjerć

Ameriscy wědomostnicy su zwěsćili, zo móže kontakt ze spermu so zlě wuskutkować. Je hižo wjac hač 80 padow znatych, w kotrychž je dótknjenje spermy zdźěla žiwjenjewohrožace sćěwki za žony měło, mjez druhim je wuwabiło alergiski šok.

Přičina za tute grawoćiwe reakcije móža wšelke wobstatki spermy być. Zaleži na přikład na tym, hač je muž někajke alergeny kaž worjechi, kolu abo penicilin k sebi brał. Najhusćišo pak wuwabja přeco w spermje zdźeržene bělkowizny strašne reakcije kože abo samo cyłeho ćěła žony. Započina to ze swjerbjenjom abo palenjom we waginje, ale móže tež wjesć hač k běhawje, bluwanju a ćežam při dychanju. Wo smjertnych padach njeje hišće ničo znate, ale štó by so tež k tomu přiznał? Škit přećiwo tutomu nowemu wohroženju čłowjestwa njeje hišće dozrawjeny. Problem hodźi so pak z kondomom abo za křesćanow tež z desensibilizowacej terapiju polěpšić. Při tym pak dyrbi zaručene być, zo so potrjechena žona po terapiji znajmjeńša trójcy tydźensce alergena dótknje. Po wozjewjenju tutych nowych dopoznaćow w Němskich medijach su so dyrbjeli wšě gynekologiske praksy kraja na njewěsty čas zamknyć. Přewulki běše nawal wot swojich starosćiwych mužow na alergijowe přepytowanje słanych žonow.

Sonntag, 22. April 2007

Prjedy hač so hóršiš

Wězo wěmy, zo "tołste pjezle" so tak pisaja, ale zakonje interneta tu zadźěwaja porjadnemu serbskemu prawopisej. Tutón blog w hornjo- a delnjoserbskej rěči ma być interaktiwnožurnalistiski. To rěka, zo je nadawk, wěrnosć a korektny prawopis namakać, dospołnje wot pisaceho na čitaceho přenjeseny. Tuž pytajće sami wěrnosće z toho kału. Namakane prawopisne zmylki zapišće prošu do komentarow. Za kóždy namakany zmylk dóstanjeće małku słódkosć.

Štóž chce wědźeć, štó je wina, pyta zamołwiteho a/abo chce so prosće wubluwać, tón so prošu jowle zjewi: http://www.domowina.sorben.com/