Pó pśespytowanjach Nimskego instituta za modu w Kölnje wótbłyšćujo se góspodarska situacija w drastwje.Krotke kóšulki a krawaty su znamjenja za se polěpšujucu konjunkturu, gronje eksperty. Moda cujo nastawajuce towarišnostne změny a pokazujo nacasny staw a politisko-góspodarsku situaciju. Na pśikład jo se w slědnem casu cesto wó wóśańšenju pśedewześow powědało, gaž jo šło wó pśestrukturěrowanje abo skrotcenje źěłowych městnow. A teke w moźe sy mógał zasej śańše zece a krawaty wuglědaś. Barwy tež wótbłyšćuju towarišnostne změny. Carne, běłe a brune wěcy su zasej wěcej woblubowane a wótkazuju indirektnje na uniformitu a z tym na wažnosć zgromadnego źěła.
Gaž to wšykno pśitrjefijo, mógu se jano za nas wšyknych žycyś, aby kóšulki skóro hyšći krotše byli.
Keine Kommentare:
Kommentar veröffentlichen