Pjane engelske wójaki sławnego regimenta Scots Guard su wažny kulturelny statk wugbali: Z wideofilmom su dopokazali, až teke wójaki su ceło normalne luźe a mysle ceły źeń jano na alkohol a seks.W barakach regimenta nagrawany film pokazujo uniforměrowane wójaki z flaškami alkohola w ruce w jednozmyslnych pozach a ako wóni wopytaju sekssceny graś. Scots Guard su kradu znate, dokulaž wóni maju nadpadne cerwjene uniformy a wjelike carne pjechawy z mjadwjeźeceje kóže a wobstražuju engelsku kralownu. Bóžko wóna njejo mógała se na toś tej dokumentaciji wobźěliś a togodla se gniwa na egoistiskich wójakow Scots Guard. Pśiducy raz co wóna na kuždy pad pódla byś, pón by wóni snaź samo šanse na jaden abo dwa Oskara měli.
Keine Kommentare:
Kommentar veröffentlichen