Šok za kóždeho přiwisnika Spidermana: Kirsten Dunst, hrajerka figury Mary Jane a w filmje přećelka Spidermana, je dyrbjała so za film push-up nadrowc woblec, dokelž jeje cycki běchu přemałke.Hrajerka pak njeje so hóršiła, dokelž dowidźi wažnosć figury jako sekssymbol. W přichodnym filmje hraje wona amaconu. Za to pak dyrbi sej hišće jedyn cyck wotrězać dać. Kotry to budźe, njeje na zbožo hišće jasne. Mócny protest producentow Spidermana, zo njebudźe wona so tohodla na hižo planowanym štwórtym dźělu filma wobdźělić móc, je Kirsten Dunst mohła lochce změrować z namjetom, sej jabłuko do toho push-up nadrowca tyknyć.
3 Kommentare:
Potajkim, KOTRA "cycka" to budźe, to wotwisuje wot ruki, z kotrejž Kirsten Dunst jako amaconka wojować budźe. Powěda so, zo so amacony jedne nadro wotrězali, zo bychu móhli lěpje z kłokom a prokom třěleć - wosebje napinanja proka dla. Dyrbimy potajkim wujasnić hač ta rjanolinka lěwicarka abo prawicarka je (a nic w politiskim zmysle, ho ho). Ale hdyž wona tak a tak wulke nadra nima, to dosaha zawěsće tež, sebi město push-up nadrowca prosće jedyn jednostronski "press-down" nadrowc woblec... :-D
Hehe, nadźijomnje woni to hišće pytnu, prjedy hač je přepozdźe.
To wšo ničo njepomha, dyrbimy zamołwitym producentam w Hollywoodźe doporučić, sej jónu tutón blog přečitać. A do toho njech serbsce nawuknu, to by renomee našeje rjaneje rěče wulce pozběhnył! :-)
Kommentar veröffentlichen