Njedawno wopyta prezident Zjednoćenych statow Ameriki na swojim puću po Europy tež Albansku. Wobydlerjo witachu jeho z wulkim wyskanjom. To njeje dźiwa, wšako su Zjednoćene staty za to znate, zo su přeco žedźenje albanskich ludźi w južnoserbskej prowincy Kosowo wo njewotwisnosć podpěrali. Ludźo wołachu wótře "Bushi, Bushi...", knjez Bush zanuri so do črjódy ludźi a da mnohim ruku, někotrych samo wobjima. To běchu zawěrno jara ćežke wokomiki za Bushowych stražowarjow...Nó haj, lěpje wšak je, jeli-zo sebi ludźi lěpje wobhladaš, kotrymž so bližiš. Prezidentej so mjenujcy wot lěweje ruki časnik pokradny! To je tak směšne, zo we Washingtonje samo oficialny dementi wotedachu, oficialny drje, ale ničo prajacy. Mjeztym móže sebi kóždy w interneće tute padustwo wobhladać. Na přikład tu... http://www.livevideo.com/video/APnews/0D6ABFD0C53E4447BB07CC760747CB22/raw-video-bush-gets-albanian-.aspx
1 Kommentar:
Tola hišće jedne přispomnjenje: W Albanskej, kotraž woprawdźe žadyn wěsty kraj njeje, knjez Bush so bjezposrědnje z ludnosću zetka. Pola nas w Němskej schowa so wón za wysokim płotom, tysacymi policistami a samo wójnskimi łódźemi. Wón zawěrno wě, hdźe witany je a hdźe nic. A za to, što irakskemu ludej načinił je, by poprawom do Den Haaga słušał, jako wójnski złôstnik.
Kommentar veröffentlichen